Single View

Jugend: KMVW 2008

Am Sunntig, 25. Mai 2008 hei mir, d GETU-Riegi von dr Jugi vom TV Lieschtel, an dr Kantonale Meisterschaft im Vereinswettkampf teilgno. Mir hei öis am 6.55 h am Banhof Lieschtel droffä. Währendem wartä uf ä Zug, hei mer öis gegäsitig d Fingernegel mit dunkelblauem Nagellack, wo perfekt zum Dress passt, lackiert. J Am 9 ab 7ni hei mir dr Zug uf Prattelä gno. Uf em Feschtgländ het dr Robi verzwiflet nach mäh Fläckli Gras gsuecht. ;-) Wels aber wiit und breit kei Rasä gha het, simer halt vor s Schuelhus ghockt. Nach em Ilaufä simer öis go umzieh und go frisierä. Denn hei mir öis in Schwingcheller zrugzogä und öis mental ufä Wettkampf verbereitet, indäm mir öis nomol uf öisi Grätkombination igstellt hei. Wo mir am Wettkampfplatz gsi si und hei welä ufstellä, si zerscht zwenig Matte dört gsi, das het öis alli grad s erscht Mol chli nervös gmacht. Wo mir parat gsi si zu afo hei mer das aber vergesse und öis uf ä Wettkampf konzentriert. Mir hei gfunde, s isch ä guetä Durchgang gsi. Mit däm Uftritt hei mer d Notä 8.62 erreicht.

Öbä ä Stund spöter, simer parat gsi öisi Bodächoreo z zeige. Das mol si zum Glück gnueg Mattä do gsi, das mir problemlos hei chönä ufstellä. Wo mer in dr Schlussufstellig gsi si, hei alli ä breits Lächlä im Gsicht gha, well jedi gfundä het, s isch guet gangä. Mit däm Uftritt hei mir d Notä 8.80 erreicht und sie ins Final cho.

Öbä ä Halbstund vor em Finaldurchgang hei mir zerscht sälbständig und nochär no mit dä Leiter, öis uf dr kommendi Uftritt vorbereitet. Mir si alli froh gsi, dass mer nomol hei dörfä turnä und mer hei alli nomol öises Beschtä geh und öises schönschtä Lächlä zeigt. Nach em grossä Applaus hei mir alli gwüsst, dass mers guet gmacht hei. 2 Stund spöter hei mer öis droffä, zum mit allnä anderä Turner d Ehrärundi z machä. Wo alli ufem Platz ghockt si und s denn gheissä het: „UFEM 3. RANG MIT DER NOTÄ 8.92 ISCH DR TV LIESCHTEL!!!“ simer grad ufgstandä und führä zum Podest grennt. J Nochär bim fötälä het dr Robi öis mit Rimus abgsprützt. Dr Räschtä hei mer denn usem Pokal drunkä.

Mir hei ä mega schönä Dag gha und si stolz uf öis. J

Ä härzlichs Dankschön an die wältbeschtä Leiter Robi, Stephie und Dani!!

Nadja & Rebecca